Lekë Shala (1998) është një arkeolog nga Mitrovica, i specializuar në periudhën parahistorike, antropolog dhe ligjërues në Universitetin e Gjenevës. Studimet e tij janë të përqendruara në artin, kulturën pamore dhe teknikat e punimit gjatë periudhave Neolitike dhe të Bronzit. Ai ka marrë pjesë në disa gërmime arkeologjike dhe projekte antropologjike në Ballkan dhe Europë, përfshirë gërmimet në vendbanimin neolitik mbiujor të Linit në Shqipëri.

Shala ka mbrojtur tezën e masterit për tipologjinë e qeramikës në Italinë Veriore gjatë periudhës së Bronzit të Mesëm. Leximet dhe angazhimi i tij shkencor përfshijnë studimin e artit dhe simbolikës popullore tek shqiptarët gjatë shekujve XVIII-XIX, si dhe koleksionimin e stampave dhe gazetave që përqendrohen në historinë dhe kulturën shqiptare.