Xhamia, e cila gjendet në afërsi të godinës së gjykatës në Prishtinë, sipas një akti të vitit 1795 është ndërtuar

nga bamirësi Jar Ali Çeribashi. Dokumentet e shek. XVIII janë të paqarta për sa i përket kohës, kur është ngritur në statusin e xhamisë, pasi që në këtë shekull del herë si mesxhid e herë si xhami. Andaj mbi këto të dhëna vetëm mund të konstatojmë se, këtij mesxhidi mund t’i jetë vendosur minberi në dekadën e fundit të shek. XVIII.¹ Legjenda, e cila e lidh me viçin nuk ka mbështetje dokumentare. Aq më shumë, që ndërtuesi i xhamisë kishte titull ushtarak dhe nuk i takonte klasës së të varfërve, siç thuhet në legjendën e popullit që shiti viçin e vetëm për ta ndërtuar mesxhidin. (A. Islami)