Xhamia në popull njihet si xhamia e Llapit dhe mbishkrimi i saj nuk ka mbërritur deri më sot. Në regjistrin Tahrir të Sanxhakut të Vilçiterinës të viti 977 (1569–1570) në Prishtinë dokumentohet ekzistenca e lagjes së mesxhidit të Ramazan Çaushit. ¹ Fakti që, në shekujt e më pasmë, ky mesxhid është regjistruar si xhami, nënkupton se me shtimin e numrit të myslimanëve, me lejen e sulltanit i është  vendosur minberi dhe ka marrë statusin e xhamisë. Xhamia u dogj nga policia serbe më datë 27 mars 1999,²   por në vitet 2007–2010 u restaurua nga fondacioni "Behxhet Pacolli". (A. Islami)