Nuk ka asnjë informacion se kur dhe nga kush është ndërtuar xhamia, pasi mbishkrimi i saj nuk ka mbërritur deri në ditët e sotme. Ekzistenca e saj, dokumentohet në regjistrin tahrir të Sanxhakut të Vilçiterinës të vitit 977/1569–70, e cila identifikohet me lagjjën e mesxhidit të Hatunijes në Prishtinë.¹ Me kalimin e kohës edhe ajo u shndërrua në xhami si mesxhidet e tjera. Duke qenë se, aktvendimet e emërimit të kuadrit fetarë të shekullit XVIII, këtë faltore e cilësojnë si xhami, nënkupton se, ndërrimi i statusit nga mesxhid në xhami ishte bërë në shekujt paraprak.² (A. Islami)